مـــــشــــكـــــلــــة الـــلـــغـــة الـــعـــربــيــة

[Mshα3я Eηsαη]

السلام عليكم ورحمة الله وبركاته

بصراحة مادري ويش اقول بس بختصر الكلام

انا مادة اللغة العربية احس روحي واجد ضعيف وخاصة في نصوص سواء شعر او نثر هو الأسئلة ساعات إلي يجيبونها اكثر شي يكون جوابها يعتمد على الفهم وهني عندي المشكلة صراحة انا افهم عاد مو ذآك الزود وحتى اذا اشرح شي ما اعرف اهر عدل ف كلام

بصراحة اول مرة اجوف اللغة العربية اصعب من اللغة الإنجليزية الفصل إلي طاف الإنجليزي كان متربع على العربي بحوالي 8 درجات يعني الإنجليزي بعد التعمق فيه حسيته مو واجد صعب بس يبليه اشياء وانا 24 ساعة يا مسلسلات او افلام او شسمة ا غ ا ن ي او حتى مواقع

فــ ممكن احد يقدر يفيدني ويوجهني عشان احل هالمشكلة
الأن افكر آخذ تحسين عرب 101 و 102 بس مو مستعد وما امبي آخذهم ولا ارتفع بقدر إلي امبي

[zahra 8]

بسم الله الرحمن الرحيم
اول شي لازم نعرف ان اللغة العربية هي لغة مثل كل اللغات ...!
يعني يبغي ليها ممارسة .. مثل اللغة الانجليزية .. لازم نمارسها
ونقرأ ونطلع .. وهي لغتنا والاعضم من هذا هي لغة القرآن الكريم
النصيحة اللي اوجهها انك قد ما تقدر تقرأ كتب .. سواء كانت قصص ,, روايات ,, مقالات ,, الخ ... وبتجوف نفسك قاعد تتحسن
نقطة ثانية .. لازم تفهم النص اولا .. والمغزةاللي يبي يوصلها .. يعني الهدف من النص بدون ما تفهم الهدف ما بتقدر تهر على قولتك لان اصلا ما بتحصل شي تهر فيه ..
وفي النهاية استعمل ملخصات الدويري لانها تفيد
اتمنى اني افدتك

[نيوتنية]

اللغة العربية مادة جميلة جدا وانت لازم تحبها وتشيل من بالك فكرة انها صعبة وانك ما تقدر تشرح في النثر..الخ
ثانيا عشان تقدر تشرح لازم تقرأ القراءة جدا مهمة في اللغة العربية لانك لما تقرأ بتجوف كلمات ما تعرفها من قبل تقدر تستخدمها اثناء الشرح او ممكن تصادفك في احدى القصايد او الشعر ..

[محمود محمد]

العربي وما أدراك ما العربي

[اسيرة اغتيال]

اي العربي احسه صعب
بس الحمدالله انجح فيه وخاصة هالمرة معلمتنا ماقصرت وياي بنفسها قالت لي تعالي تقوية قيل الامتحان كان اول امتحان على ما اذكر لولا هالمعلمه جان ما نجحت فيه شرحها ممتاز احسن من شرح معلمتنا مليون مرة

انة اهر من عندي نصه يطلع صح ونص ثاني غلط في الاجابة

الي يعجبني في اللغة العربية ان يجيبون اسئلة نجاوب عليها على كيفنا هع

[سوداء]

مقررات اللغة العربية..
أول شي.. لا تحفظ شرح نصوص..
يعني مثلًا الامتحان النهائي بكون الكتاب كله.. وعندك نصوص واجد.. وما بجي الا واحد منهم
فمسألة الحفظ تتعب / تضيع الوقت / ما تجي بفوائد...


ركز على الأشياء المهمة في التحليل، وطلع لك نصوص شبيه بنصوص الكتاب
يعني مثل نمط الكتابة وجنسها الأدبي.. وحللها بروحك مرة ومرتين
وطبعًا ذا على مدار الفصل مو وقت الامتحان بس...


وأي مشكلة تواجهك خلال الفصل الدراسي أطرحها في الملتقى من البداية، عشان نقدر نقدم لك المساعدة ولو كانت بسيطة..



وبالتوفيق للجميع إن شاء الله

[شمس العطاء]

اني ما حسيت العربي صعب الا بمقرر عرب 102 ،، بس الحمد لله قدمت فيه تحسين وارتفعت ..
اول شي لازم ننظر الى السبب بشكل عام ،، لازم تقرا ،، لا تقول ما احب القراءة ،، هذا شي له نتائج مو بس عشان تقويك ف اللغة عشان تكون عندك ثقافة عامة ...

احرص ان تسوي لك شرح مبسط اذا كان النص شعر ،، سو تعليق مبسط على كل بيت عشان يسهل عليك ،، واتبع استراتيجية الفهم مو الحفظ ،، كلش لا تحفظ ،، جرب روحك تشرح البيت ف ورقة منفصلة ،،

ف البداية كالعادة لازم تحب المادة عشان تقدر تواصل فيها ،، لا تقول ما افهم فيها ،، دايما عزز روحك بكلمات ايجابية ،،

بالتوفيق ان شاء الله ،،

تحياتي
شمس العطاء

[فيلسوفه]

اني بالنسبه ليي العربي سهل خصوصا النحووو
بس اشووي القصايد وجي

حاول اتحب الماده وتقرا مقالات او كتب روايات
يمكن يتطور عندك التعبير