[ مواقف مدرسية مضحكة ]

[سوداء]

بسم الله الرحمن الرحيم
اللهم صلِّ على محمد وآل محمد وعجل فرجهم يا الله يا كريم


في الحياة المدرسية العديد من المواقف الجميلة، والتي عادةً ما نتذكرها باستمرار..
هذا الموضوع مخصص للمواقف المضحكة التي صادفتكم...

سواء كنتم أبطالًا فيها أم متفرجين




شاركونا

[S.B.K]

شكرا لك على الموضوع

هالسنة صار ويايي واحد في صف الله يستر عليه نص مكينة كلا لعب و مسخرة و هارب من الصف إسم داخل علمي و القهر الزيادة رئيس ما أدري نائب رئيس مجلس الطلبة في مدرستنا

إنجين للموضوع كنا حاطين كرسي و نط فوقه جي عاد هو يبي يصير بطل هادا من يسوي شي الكاميرا دائما شغالة عليه بس عم الأسف محد جي على باله يشغلها في هادي اللحظة

المهم هو ضعيف قلنا ليه إنت لازم تنط و إنت واقف مو تجي ركيض قال لأن أول مرة بجي ركيض قلنا ليه أوكي

رجع ورا مستعد و متبرز و كان قدام الكرسي بمسافة طاولات

و يجي مستن ننتظره ينط وصل للكرسي لصق فيه وللحين ما نط و يوم لصق في الكرسي فلت روحه ما إنجوفه إلا متقلب و داخل في الطاولات

إحنا قمنا نضحك ضحك عادي لأن هادا كان شي عادي منه

لكن إلي دبحنا من الضحك يوم تدحلب قام مرة وحدة و صرخ يسسسسس

حسسني إنه مسوي إنجاز مو جنه متشلخ

[فِنُــ الْوَّرد ــوُنْஐ..]

بلآوي الموضوع ...

مرة كنت كنا في اللفت و كان الباب ينصك
الا معلمة جاية و تقول انتظرو..انتظرو
بالغلط نمبي نضغط زر الي يفتح الباب
و انضغط الزر الي يصك الباب ( بالخطأ)
و انصك زيادة في وجها و راح اللفت عنها فوق

عاد بعدين صادتنا ..
الا تسوي تصكون اللفت في وجهي ؟؟!
قلنا والله بالغلط .. والله ياالله رضت تقتنع

[سوداء]

شكرًا على المشاركات الطريفة...

كسر خاطري الصبي مسكين


بانتظار الباقي

[MALAK OMI]

^
^
دَبحنيي رفيقك صراحةً ! حسيته نفسسسسي
على آخر الايام قبل الامتحانات كنت اروح بس اني وجمن بنية وهم من ربعي
المهم كنا رايحين الصالة الرياضية لانه اول حصة علينا بدن .. اني العب جمباز من
يوم اني جاهلة وللحين .. عاد جافوا البنات الحصان وقاموا يتنططون عليه بمريالهم
بس يشلحونها واحنا طبعاً لازم لقنز تحت المرييول .. المهم جيت اني ابا انط شلحت
المريول بس ما ثبته عدل واركض ركض وتوني بنط وينزل سويت شقلبة اشوى في
مراتب .. قمت وقفت وطالعتهم اقول لها [ راحت الهيبة ] قاموا يضحكون عليي
من الفشلة سويت روحي اضحك واني رجولي متكسرة أفلالام عليي ..

[سوداء]

ههههه...

في ثالث اعدادي كان ويانا وحدة نسميها مس شدخة..
خلال فصل واحد انشدخت شدخات سنة
مسكينة

[سوداء]

أكثر شي يضحكني... ههههه لما اذكر طالبة ويانا السنة
يمكن تشوفون الشي ما يضحك واجد
بس اني هههههههههههههه ما اقدر اجود روحي من اذكر


الفصل الأول كان عدنا قصائد جاهلية، وطبيعي بعض الطالبات ( يتأتؤون )
لوجود كلمات جديدة او صعبة اشوي بس في النهاية هي مكتوبة بأحرف عربية..

مرة وحدة عصبت ههههههههه
تقول ما يصير تحاسبون ترى مو الكل يعرف يقرأ !!!

هو كل مرة تصير قراءة اطنز بيني وبين نفسي لأنه بعض الأشياء طلاب ابتدائي يعرفونهم وهم لا... اما لما قالت مو الكل يعرف يقرأ خلاص ضحكت بصوت مرتفع

[~ ms]

مدرسة !
شحوآل !
ماتذكر شي
صادني زهآيمر كله بسبب جامعه البحرين

[بنت الأنصاري]

اتذكر مرة في اول اعدادي كان وقتها المنتصف و معلمة الاجا مراقبة و انة كنت المفروض اخر وحدة في الصفة و سويت روحي بالعمالة مو مخلصة علشان ما تشرح لنة درس المهم قالت لي تعالي قعدي جدام على ما تخلصين
و انة كنت اسوي روحي اكتب الا مرة وحدة اسمع صووت بووووم الف ويهي ما اجوف معلمة الاجا قاعدة على الخمام و تسوي ويييهههه وين الكرسي وانة ما قدرت ايود روحي قعدت اضحك لين حسيت انة ويهة انقلب احمر مع انة ما يبين عليهة لانهة سمرة

للحين اتذكر هل الموقف و ايويد بطني من الضحك

[عطر إأحسـسّـسـاسي !]

سـلـأم علـيكم ~

شخبـأرش أختي ؟
طبع’ـأ المـؤوضوع جد رائع ..
صـرـأحتن جذبنـي العنوـأن
خصـؤوصـأ " أنه صـأرت ويـاي واجد مواقف تضحك !

و بخـصؤص المـؤوـأقف المضحكـة ..
بـأقول ليكم موقف صـأر ليي ف أول إعدادي هع ~
أدكـر أنه كان عندي جوتي بوت أسود رياضي
كـنت كلـه أفوشر إبه هههههه
عـأد يوم من الأيـأم //
كـنا واقفين عند البااب نحارس الجرس عشان سيده نطلع |
و صفنه كان الطـأبق الثـأني ف آخر الممر ..
ههه ،، إنزين
و كنت اني كله أتاسبق ويه وحده على منهي توصل للباص قبل
( تحشيش خريجـي إبتدـأئي )
و جـان عاد اني مشيت شوي و توني بركض ...
مـاجوف إلأ بطريقه ما / قمت اتزحلق على طول الممر !
كنت احاول اوقف روحي بس الجوتي يزحلق |
دعمت ف واجد آدميات و مو جايه أوقف هههههه
دزيت هديك و انشدخت ف هديك و بعدني ما وقفت !
عاد كان اخرت الممر جدي نفس البلكـونه @_@ ..
و قلـت لازم اوقف و لا بطيح و بتروح علـيي Dx
و جـان فكـرت أطبق الحـركه لاعبي الكورة
’ ا دا جابوا قول يراكضون و يزحلقون على ركبهم ’ :|
إنزين عاد .. لفيت شوي على اليمين
و جان أسوي ديك الزحلقيه المدريدية البرشلونية الكروية التدميريه التشليخيه ضاعت أنفاسي
و أدعم في باب مال الصف و توهم بطلوا الباب جان يجوفوني و هم منصدمين
و قمت والشنطه ف وادي و اتنفر اللي فيها و البالطو حالته حاله |
و من داك الـيؤوم أقلعت عن عاده ’ من يوصل الباص أول ’
و الحمدللـه ضـربت بريك ف آخر لحظه يعني
و كـأن اللـه بها غفورا رحيمـا هع

أدري طولـت .. مو موقف ده روايه صار
بس هالجــوتي جم مره إنزلحت و طحت بسبته ف أول إعدادي
يلـا الله كـريم لكـن
و شكـرن علـى الموضوع الـفن ~
بإنتـظـار باقي الأعضـاء ,

فـي حفـظ للـه ؤ رعـأيته ||

[نَبْعْ~]]

-
ههههههههههههه , تسسدّححت
بشششطَح جييهه ,
ككِنآ في حِصصةةِ آلزززرع وزررعع يآ زَرععع آحلى ححُصصصةِ بآلكُووون
آلموهييم آلمععَلمةةِ نزّلتنآ تَححت ككآلعآدهه ععَشآن نششيل آلحششيش ومدري وييش وهيه طَبعًآ تششيل بْرُووحهآ وتهدر برُووحهآ بس مُصصطفى آلّآ هييه [نوور] ويآهآ
آلموهييم طَففششنآهآ حَدهآ , ودتنآ حجرة آلزّهرآت ككآنت حآطةةِ فيهآ رعهآ آلخآآيس وطلعت وقفت آلبآب
ققُمنآ آنني ووَلَآءء وففَطوم وفتحنآ آلدرييشةةِ ونهرب
وْرحنآ ليآ من ورآهآ وخبلنآهآ جآن تطييح في آلزرآععَةةِ [كآنت بررهه]

وعععَآد خخذ يآلضضضحك ووآلصصصور ححسيت وجهآ صآر ططمآطط ,
ونممشي ونضضحك مو قآددرييييييييين ححددنآ مُوو صآحيين

[روح فاطِمة]

^^
^
كآن اتذكر ف اول ثنوي

معلمة الزرع

هيه يعني متينة وجدي
وطاولتنا شوي خربانة


انجان تقوم حضرتها وتقعد عليها


واحنا عاد ما نسمع الا طراااااخ

ومر وحدة يقوم الضحك

بس رفعت راسها الكل يحاول يجود ضحكته



واخرتها مسكينة طاولتنا نقعت ف الممر وكل ما نمر عليها نقرا عليها الفاتحة



وبسسس

[ّ..مجرد طالبـــــــــــة..ّ]

مواقفكم حلوة

سلمان صراحة الي وياكم في صف >>> صرخ يسسس يغطي الفشيلة

[ِAsrar]

شهالمواقف

الموهم ..

في أول ثنوي كنت رافعة تظلم و ماعندي أمل ارتفع
لما طلعت نتائج التظلمات رحت اشوف يمكن طالعة لي درجة مني مناك
انصدمت طالعت اسمي سطعش الف مرة ايييي هذا اني و زدت 3 درجات
المووهم من الفرحة تأخرت على حصة الأجا <<
و رحت الكافتيريا و أخدت لفه و خبرت معلمة الإنج
المووهم انجي للصدمة .. باب الصف كان مفتوح و البنات يهدرون أنا قلت ماعندنا معلمة
ما شفت روحي إلا اصارغ فطييييييم طلعت لي درجات و داخلة فيلنج و كزا
و انجان المعلمة تناديني ... انتين يطلع منش جدي ! صوتش واصل لآخر الدنيا و متأخرة عن الحصة
عن يازعم اسوي روحي من ذلين المؤدبات الي ما يتكلمون في الحصص

...


موقف ثاني .. ( توجيهي )
معلمة الأجا مواقفي كله وياها
مختارتني أنا وجم بنية نعدل لها غرفة اليونسكو
الموهم عدلناها و كزا ،،، لما جت وحدة من الوزارة تقيم المدرسة
نادتنا و كان عندنا حصة حيا << ..
دخلنا غرفة اليونسكو ما شفناها إلا تسوي هذلين بناتي و الحين بمثلون ليش دور الجدة
و البنات !
هااا أي جدة و أي بنات
عطت وحدة اختراع مال زمن يدي و يدتي تلبسه و كتاب تقرأ منه و قالت لها يلا قعدي و قامت تكلمها على عدال قولي جدي جدي !
و الآدمية إلي من الوزارة قاعدة تطالع متخرعة ويش صاير !
أنا ما تحملت .. بس أضحك
ما شفتها إلا عاطتني ثوب نشل لبسيه ! هااا
هديته و طلعت .. هاي الي ناقص بعد
زعلت جم يوم عقب صارت عادي


...

[ّ..مجرد طالبـــــــــــة..ّ]

فكرت في مواقف .. بس من زودها الصراحة انساها

بس ذكرت هالموقف ... يمكن ما يضحك وااجد



لما كنا في ثالث اعدادي معلمتنا الانج مرضت و غابت فترة .. فجابوا لنا مكانها معلمة مصرية ... عاد هالمعلمة المصرية تلوع الجبد لا تفهم شي .. و لا تشرح عدل .. و كلامها ما ينفهم .. و تنطق الكلمات غلط .. المهم .. مرة من المرات كانت جاية الحصة و احنا متمللين و مالنا مزاجها فقلنا اني ورفيقتي بنجننها مثل ما هي تلوع جبدنا .. (هي دائماً لما تجي تجيب وياه كتبها و فايل و مفتاح) فويش سوينا .. أثناء ما هي تشرح أخذنا المفتاح و خشيناه بين أغراضها .. و احنا نضحك و هي ما تدري بدنيا و لا تدري وش قاعدين نسوي ... خلصت الحصة احين هي بتطلع .. بالتشيل أغراضها ما شافت المفتاح ..ظلت دوره و دور و لا شافت .. و تحوس و تشيل الأغراض و تحطها و مو عارفة شنو تسوي ... تسألني: المفتاح شفتيه .. قلت له:ا أي مفتاح ؟؟!!!! .. ما شفت شي .. تقول كان على طاولة ... قالت لها صديقتي ما شفنا شي ... ظلت تحوس و تحوس و حالتها حالة و اني و رفيقتي نضحك .. بعدين رأفت بحالها إلا أقول لها معلمة شوفي يمكن صار داخل الملف .. و فتحت الملف و شافته .. و طلعت


اليوم الثاني يوم دخلت الصف سيدة قالت : فلانة و فلانة عاوزتكن بعد الحصة (تقصدني اني ورفيقتي) >>> قلنا لا راحت الأرواح ... شكلها كشفتنا و بتودينه للمديرة .. لا اليوم التعهد محصلينه محصلينه
ظلينا طول الحصة ساكتين و نحاتي و نترقب شنو بصير .. شنو بنقول للمديرة
خلصت الحصة إلا تقول يلا تعالوا قلنا لها لازم احين قالت ايه .. طلعنا وياها إلا وقفتنا عند باب الصف و قالت للبنات تباعدوا ( و احنا رايحة علينه من الخوف ) إلا تقول .. انتوا كنتوا تقولون انكم ما تفهموا لكلامي و اني اقول كلامات خطأ بس بوضح لكم ليش ، انتو من البحرين و لهجتكم غير و احنا بمصر لهجتنه غير .. فطريقة تحدث الانجليزية عندنا و عندكم تصير غير ... و ظلت تهرر عن الفرق و اللهجات و قامت تقول انها من 10 الأوائل على مصر و ما ادري شنو (لانه احنا مرة قلنا لها مانفهم كلامش) ... و ذيك الحزة هي تهدر و احنا بس انهز راسنا و ميتين من الضحك كل هالخوف و في النهاية بس بتقول هالكلام